Հայաստանում տարածված էպիֆիտային մակրոքարաքոսերի ուղեցույցը հասանելի է

Հայաստանում տարածված էպիֆիտային մակրոքարաքոսերի ուղեցույցը հասանելի է

Հայաստանում տարածված էպիֆիտային մակրոքարաքոսերի ուղեցույցի տպագիր տարբերակը պատրաստ է: Ուղեցույցը ստանալու համար անհրաժեշտ է գրել մեզ info@lichenology.am էլ. փոստի հասցեին կամ զանգահարել +37499 238686 հեռախոսահամարին:

Տպագիր օրինակների քանակը սահմանափակ է: Այս կարող եք նաև գտնել առցանց այստեղ

Այս ուղեցույցը իր մեջ ներառում է տեղեկատվություն Հայաստանի 51 տեսակի տարածված էպիֆիտային քարաքոսերի մասին, որոնք հանդիպում են Հայաստանի հյուսիսային բարեխառն անտառներում և հարավային չոր նոսրանտառներում։ Այն ունի ուսուցողական, գիտահետազոտական և էկոտուրիստական գործառույթներ։ Ուղեցույցը ներառում է նկարազարդված և ծանոթագրված դիխոտոմիկ որոշիչ, որը հասանելի է բջջային հեռախոսների համար (iOS and Android) App KeyToNature բջջային հավելվածի միջոցով։ Որոշիչը ստեղծվել է «Ֆրիդա» (Martellos 2010, Martellos & Nimis 2015) ծրագրի միջոցով:

Ուղեցույցը ստեղծվել է Տրիեստեի համալսարանի (Իտալիա) Կենսաբանական գիտությունների ֆակուկտետի և «Երիտասարդ կենսաբանների ասոցիացիա» ՀԿ (Հայաստան) համագործակցությամբ «Հայաստանում քարաքոսերի պահպանման և ուսուցման նախաձեռնություն» ծրագրի շրջանակներում և ֆինանսավորվել է Ռաֆֆորդ հիմնադրամի կողմից։